1950. hamarkadan Gariñen Etxolan benta ireki zen, eta nahiz eta lehendik ere baziren Larunen komertzioak, Larun Gain benta izan zen turismoaren motorra. Hasieran gauzak bizkarka edo mando gainean eramaten ziren, baina 1951n Kauleko zolatik Larungo kaxkoraino 2 kilometroko kablea muntatu zuten. Gero ere Larungo Kaiola eta Udako Etxea bentek jarri zuten berea. Historikoak izan dira kable hauek baina mende erdia lanean eraman ondotik, joan den apiril bukaeran kendu zituzten.