Apirilaren 30ean Antonio Intsausti “Txobito” Txistulari Gazteen Txapelketaren lehen edizioa egin zen Hernanin eta Berako gazteez gain hainbat herritako gazteek parte hartu zuten: Gasteiz, Eibar, Segura, Irun, Hondarribia, Pasaia eta Hernanikoak bertzeak bertze. Txapelketa hiru mailetan banatua zegoen eta bakarlari nahiz taldeek gehienez sei minutuko obrak jo behar zituzten. A mailan (12 urte bitarteko bakarlariak), Ane Eltzaurdia eta Julen Baleztena aritu ziren eta D mailan (16 urte baino gutxiagoko taldeak) Saioa Baleztena, Nahia Artieda, Beñat Iturria eta Jon Irazokik osatutako taldea. Julen Baleztenak, A mailakoen artean, bigarren postua lortu zuen 150 euro eta oroigarria eskuratuz eta gainerakoek diplomak eraman zituzten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun