Euskara Batzordeak Udalaren laguntzaz antolatutako Kultur Egunak azken txanpan sartuak dira. Ortzegunean, irailaren 22an, «Maribitxiren ipuinak» entzungai izanen dira liburutegian 17:00etan. Ortziralean, irailaren 23an, bertso-trama izanen da Matxinbeltzenean 20:00etan, Jon Maia eta Amets Arzallusekin. Josu Goikoetxea izanen da tramalaria. Larunbatean, Maialen Errotabehere zuberotarrak kantaldia eskainiko du Kasinoan 20:00etan, Arrano elkarteak antolatuta.