Vicente Arozena eta EAJ-EAko bertze sei taldekideak izanen dira herria hurrengo lau urteetan gobernatuko dutenak. Espainiako gobernu eta auzitegiek Bagara udal taldea baliorik gabe utzi ondotik, talde honi emandako botuak ere balio gabe gelditu dira. EAJ-EA koalizioak 231 botu jaso zituen maiatzaren 25eko udal hauteskundeetan, duela lau urte baino ehun gehiago. Baliogabetutako botuak berriz 232 izan ziren, horietatik 227 espreski Bagara plataformari emandakoak. Bertze 18 botu xuri izan ziren.
Beraz, Vicente Arozena alkatearekin batera, Sagrario Iparragirre, Pablo Bergara, Francisco Javier Taberna, Mª Luisa Almandoz, Juan Mari Iturria eta Jose Gabriel Larretxea ariko dira lanean Udaletxean.