Larunbat honetan, azaroak 18, eginen da Eguzki Sport Eskuderiak hamaikagarren aldiz antolatutako Agiñako Rally Sprint Auto Igoera. Goizean autoak aztertuko dituzte Etxebeste zerrategiaren landan, eta lehenbiziko gidaria 15:00etan aterako da Agiñako errepideko 6. kilometrotik 16.era. Ibilgailu bakoitzak lau harat-honata egin beharko ditu, bi maldan goiti eta bertze biak beheiti. Proba hau, Nafarroako Rally txapelketarako, Nafarroako Junior txapelketarako, VII. RAC Vasco-Navarro koparako eta II. Copa Traseras txapelketetarako baliagarria izanen da.
Aurtengo edizioan 57 autok parte hartuko dute, gehienak Euskal Herrikoak. Proba ikusteko 8 euro ordaindu beharko da. Sari banaketa ilunabarreko 20:30ean eginen da herriko Plaza Zaharrean. Sarituko dira, sailkapen orokorreko lehen hamarrak eta kategoria ezberdinetako lehen hiruak.
Lesakan eta Oiartzunen arteko NA-4000 errepidearen erabiltzaileek kontuan hartuko beharko dute trafikoa hetsia izanen dela arratsaldeko 14:30etik aitzinera.