Aspaldiko urtetako hotzik handienarekin joan dira Eguberriak. Iaz erraten genuen haizegoa eta eguraldi ederra izan zirela nagusi. Aurten, ordea, guztiz kontrakoa suertatu zaigu. Hormak gorabehera, hainbat berri eman digu urte bukaerak.
Eguberrietako zareak
Igantziko Abesbatzak eta Eskolako haurrek eguberrietan zozketatzen dituzten zareak segutuxeak egonen dira dagoeneko. Halere, aipatu eginen dugu nora joan diren: Abesbatzarena Amerikatik bisitan etorri eta kontzertu ondotik zozketa ikusten ari zen Nicolas Etxartek eraman zuen. Eskolakoa, berriz, Ana Sunsundegiri egokitu zitzaion. Agertzeko dagoena eskolako zarearen bigarren zatia da, urdaiazpikoarena. Ez dugu zenbakirik erranen, bigarren zozketa egitekoa baitzuten aste ondar honetan.