Heldu den azaroaren 6, 7, 8 eta 9an Berako liburutegiak eta Nafarroako gobernuak “Munduko Lau Bazterretako Ipuinak” helduentzako eta haurrentzako ipuin kontaketak antolatu ditu arratsaldeko 18:00etatik 20:00etara Berako liburutegian. Astelehenean, Sachiyo Azuma Japoniako ipuin tradizionalak kontatuko ditu. Biharamunean, asteartean, Afrikaren txanda izanen da. Hango alegiak, istorioak eta ipuinak entzungai izanen dira Agnes Agbotonen eskutik. Asteazkenean, Mexikora bidaiatzeko aukera izanen da Martha Escuderok kontatuko dituen ipuinekin. Ortzegunean, kontaketen azken egunean, Ivana Michlig Argentinako ipuinak kontatuko ditu. Kontakizun guziak gazteleraz izanen dira.