Urte bat joan da herri-erailtzaileen errepresioak Kotto erail zuenetik. Herri-erailtzaileak, bai, hori baitira asimilazio inperialista helburu, herriak ukatu, okupatu eta zanpatzen dituztenak. Eta erailketa, Kottorena, bai , haiek diseinatu eta gauzaturiko errepresioak eragin baitzuen gure lagun eta burkide maitearen heriotza. Haien bahiketak, haien torturak, haien espetxeratzeak,... haien sakabanaketak, haien bakartzeak... Hortaz, urteurren honetan errepresioaren aurkako oihu tinkoa egin nahi dugu.
Halaber, azpimarratu beharrekotzat dugu, Kotto (eta geroztik Igor, Roberto,Aitor, Iñaki,...) erail arren, hain zuzen ere euskal borrokalarien eskuzabaltasunari esker, kasu honetan espainiar eta frantziar estatuak herri-erailtzaile fustratuak direla, Euskal Herria bizirik eta aske izateko aukerekin delarik.
Hortaz, urteurren honetan Herriaren aldeko eskuzabaltasuna goratu eta borrokaren balioaren garrantzia ere azpimarratu nahi dugu.
Eta jakina, eroritako guztien eskuzabaltasuna eta konpromisoa burutan, denon ahalegina eta lana indartzeko deiadarra ere egin nahi dugu, bizi dugun testuinguruan Euskal Herriaren eskubideen aitortzaren alde mobilizatuz eta nazio eraikuntza eta jendarte eraldaketan aktiboki eraginez.
Zuei, Imanol, Ainara, Iñaki,...muxu handi bat bihotzez.
Hiri Kotto, agur eta ohore berriz ere. Hik emandakoak gurekin eta herri osoarekin jarraitzen dik
Ez dugu barkatuko!Autodeterminazioa eta amnistia, independentzia eta sozialismoa! Irabaziko dugu!
Berako Ezker Abertzalea