Larun Haitzpe, Berako ostalaritza, merkataritza eta zerbitzu emaileen elkarteak, “zure saltokian nola hobetu” izenburua duen ikastaroa prestatzen ari da. Nafarroan, merkataritza saila eta enpresa munduko erakundeek eramaten ari diren prestakuntza programarekin bat egiten du Berako elkarteak. Ikastaroan saltoki bakoitzaren azterketa eginen da Nafarroako Merkatarien Federazioko teknikari baten laguntzarekin. Zerbitzuaren maila hobetzeko asmoarekin, alde onak, txarrak, mehatxuak, egin daitekeenak eta abantailak ikusiko dira bertzeak bertze. Ikastaroa azaroan eginen da arratsaldeko 14:30etik 16:30era. Guztira 20 ordu emanen dira Berako Kultur Etxean. Izena eman nahi dutenek 607 303 400 telefono zenbakira deitu beharko dute. Ikastaroaren prezioa 30 eurokoa izanen da elkartearen kide ez direnentzat, kideentzat doan.