Urriaren 22rako antolatu dute herrian Ameriketara joan ziren artzainen besta.
Egitarauaren xehetasunak hurrengo alean luze eta zabal emanen baditugu ere, herriko karriketan zaldunek gidatutako artaldea, ardi latxen erakusketa, ardien ile mozketa erakustaldiak eskuz eta makinarekin, gazta tailerrak, zintzarrien erakusketa, artzainek zuhaitzetan utzitako seinaleei buruzko erakusketa eta argazki eta bideoak ikusteko aukera izanen da.
Bazkaria ere izanen da frontoian eta ondoren opari banatuko dira eta Estatu Batuetarako bidai bat zozketatuko da.