56 urte zituen Angel Rafael Andres soriarra hil zen joan den larunbat eguerditan, N-121An, Endarlatsako zubian izandako istripuan. Ezezagunak diren arrazoiengatik gidatzen zuen kamioia zubitik behera joan zen arrasta arrastorik utzi gabe. Ibilgailuaren aitzineko aldea urean gelditu zen eta larrialdietarako zerbitzuek garabi baten laguntza behar izan zuten gorputza ateratzeko.
Soriako gidariak eskualdea aski ongi ezagutzen zuen, Lesakako Bidasoa Garraioentzat lanean aritu zen eta N-121Atik joan etorrian maiz ibiltzen zen lanerako. Jakinez lekua ezagutzen zuela eta, arrasta arrastorik ez izateak zalantzak sorrarazi ditu istripuaren zirkunstantziei buruz.
Istripuarengatik, trafikoa hetsita egon zen 13:30etik 14:15era eta kamioia uretik ateratu ahal izateko 15:15etik 17:00etara. Ordu erdi bat beranduago trafikoa normaltasun osoz ibiltzen zen.