Larunbat honetan, irailaren 23an ospatuko da XII. Dantzari Ttiki Eguna. Gure Txokoa Dantza Taldearekin batera, Senpereko Zirikotz, Zaldibiko Iztueta eta Bortzirietako bertze dantza taldeak arituko dira.
10:30etan harrera eginen zaie taldeei. 11etan kalejira izanen da, lau ibilbide ezberdinekin. 13:00etan jaialdia eginen da Altzateko Plazan eguraldi ona bada, bertzela eskolako frontoian. Beratarrek Agintariena eta Aurreskua dantzatuko dute eta gainerako taldeek dantza bana eskainiko dute.
Dantzariek herriko dantzarien etxeetan bazkalduko dute. Berrikuntza bezala, aurten arratsaldeko 16:00etan Kulki taldearen saioa ikusteko aukera izanen dute haurrek.