Aste hondar honetan, irailaren 8tik 10era ospatuko dira Bittiria auzoko bestak.
Ortziral arratseko 20:00etan, txupinazoa bota ondotik kalejira izanen da trikitilariekin. Iaz bezala, patata-tortilla lehiaketa eginen da eta gero, afari-berendua izanen da. Horretarako kupela ere jarriko da Bittiriko plazan, txotxetik sagardoa edan ahal izateko. Gauez, rock kontzertua izanen da eta ondotik, Iñigo musika jartzailea.
Larunbat goizeko 10:00etan diana izanen da txistulariekin. Gero, barrenatzaile edo harrizulatzaileen erakustaldia izanen da.
Azken urteetan goitibera txapelketa egin da bestetan, baina aurten ez da halakorik izanen. 14:00etan auzo-bazkaria izanen da, Mañukorta, Etxabe eta Jon Maia bertsolariekin. Arratsean dantza egiteko modua izanen da Izotz taldearekin. Egun osoan, Beti-Alai txaranga arituko da karrikak.
Igande goizean haur jokoak eginen dira. 17:30etan, Maite Franco ipuin kontalaria eta 18:30ean trikitixa jaialdia izanen dira.