Kultur Astearen barrenean hainbat ekitaldi antolatu ditu Euskara Batzordeak, Udalaren laguntzaz. Honela, irailaren 13an, asteazkenean, «Trikitixa, arbelezko diskotik mp3-ra» solasaldia eskainiko dute Mikel Markez eta Joseba Tapiak, 19.30ean Herriko Etxeko pleno aretoan.
Irailaren 15ean, ortziralean
Arratseko 22.30ean, Joneren kontzertua izanen da Onin errekaren gainean.
Irailaren 17an, igandean
Pantxo Telleria eta Mikel Martinezen eskutik, «Larru haizetara» antzeslana ikusgai izanen da Kasinoan, 19:00etan.
Irailaren 20an, asteazkena
Kulki taldearekin herri kirolekin zerikusia duten joku tradizionaletan jostatzeko aukera izanen dute haurrek, 17:00etatik aitzinera Tantirumairu ikastolako patioan.
Irailaren 21ean,ortzegunean
Afrikako ipuinak kontatuko ditu Miren Camisonek 17:00etan liburutegian. Egun berean, «Riomundo» liburua aurkeztuko du Jon Maiak 20:00etan pleno aretoan. Kultur Astea akautzeko, irailaren 22an, «Arrotz begi» izeneko bertso-trama izanen da euskaltegian 20:00etan, Iñigo Mantzizidor «Mantxi» eta Oihana Bartraren eskutik.