Urtarrilaren 15ean ongietorri beroa egin zitzaion Zaine Rekondori. Bederatzi hilabete Alcala Mecoko espetxean egin ondotik, abenduan baldintzapeko askatasunean utzi zuten. Herrian egindako ekitaldian hainbat une hunkigarri izan ziren: Kotto Altzugurenen arrebari eskainitako lore-xorta, Iñaki Fagoaga presoaren ahotsa zuzenean telefonoz aditu ahal izatea, bertsoak, dantzariak eta hamabortz haurrek kantatu zioten «Geurea da Euskal Herria» abestia. Ekitaldiaren ondotik, «Status politikoa orain: euskal preso eta iheslari politikoak herrira» lemapean manifestazioa egin zen eta gero, 180 bat lagun bildu ziren Koxkontan bazkaltzera.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun