Egun honekin lotuta, ekainaren 5etik 10era «Sagarraren mundua» izeneko erakusketa zabalik izanen da udaletxeko pleno aretoan, 18:00etatik 21:00etara. Ekainaren 8an, berriz, 19:30etan «Sagardoa eta sagar mota desberdinak» izeneko solasaldia eskainiko dute pleno-aretoan Jesus Sangel Garcia Nafarroako sagardogileen presidenteak eta Juan Mari Lopez Lesakako Linddurrenborda sagardotegiko nagusiak.