Ekainaren 25ean eginen da Beti Gazte elkarteak zortzigarren aldiz antolatutako Mendi Itzulia. Aurten ere bi ibilbide izanen dira aukeran: luzeena, 35 kilometrokoa, plazatik abiatu eta Maurrenekoborda, Baldrun, Alkaiaga, Zalain-Zoko, Zuluetako zelaia, Urteagako lepoa, Gardelkopagoeta, Agiña, San Anton, Aritxulegi, Bianditz, Ikatzulo, Goiko-Iraga, Olazarko presa eta Txakainen barna berriz ere plazara itzuliko da. Ibilbide laburrak 8 kilometro guttiago izanen ditu eta Agiñatik zuzenean Ikatzulora joanen da, Bianditzetik pasatu gabe. Gainerakoan, ibilbide berbera izanen da. Izen ematea PlazaZaharrean egin beharko da 6:45etik 7:30era eta 7 euro ordaindu beharko da (5 euro bazkideek).