Joan den urteko arrakasta ikusirik, datorren ekainaren 24an produktu ekologikoen azokaren bigarren edizioa ospatuko da Beran. Goizeko 10:00etatik 14:00etara Gipuzkoa, Nafarroa eta Iparraldeko artisauen produktuak ikusi eta erosteko aukera izanen da Altzaten. Berako Musika Eskolak ere kalejira eginen du. Hainbat erakustaldi ere antolatu dira: ardien ile-moztea, eztia, artilea… Asteburu bateko egonaldia eta afari bat zozketatuko dira bukaeran.