Nafarroa Oinezen alde argitaratu den «Bidasoa» liburua aurkezteko Jon Abril, Isabel Millet eta Labiaga ikastolako hamar haurrek prentsaurrekoa eskaini zuten ekainaren 2an Berako liburutegian. Liburuan ageri dira Luis Otermin eta Emilio Zazu argazkilariek ateratako 30 argazki. Testuak, berriz, Isabel Millet, Joxan Oiz eta Edu Zelaietarenak dira. Argazki guziei buruzko testuak hiru hizkuntzetan egin badira ere, Isabel Milletek zehaztu zuen bezala, ez dira hitzez hitzezko itzulpenak. Liburua 12 euroan salgai dago.