Hirugarren urtez elkartu ziren beratarrak eta inmigranteak Bera Mugarik Gabe ospatzeko. Herrian elkarbizitzen duten kultura ezberdinen topaketa da. Ekainaren 9an, filme baten proiekzioa eta nazioarteko areto futbol partidarekin hasi ziren ekitaldiak. Ekainaren 11n, eguerdian inmigranteek beraien herritako ohiko platerak eskaini zituzten. Arratsaldean, Berako abesbatza eta dantzariez gain, Contigo Peru izeneko musika eta dantza taldeak emanaldia eskaini zuen.