Aurten Gure Txokoa Elkarteak 75 urte betetzen dituenez, uztailaren 1ean Gure Besta Eguna ospatuko da. Hainbat ekitaldi antolatu da egun berezi honetarako. Goizeko ekitaldiak haurrentzako izanen dira batez ere: 10:00etan haurrendako Gure Krosa, 11:00etan bizikleta jokoa eta 11:30ean Gure Txokoako dantzariekin haur jokoak izanen dituzte. Eguerdiko 12:00etan, aldiz, Gure Txokoako futbol jokalari ohien topaketa izanen da, Iamotenean argazki erakustaldiarekin. Herri bazkari mundiala ere antolatu dute. Hau 14:00etan hasiko da eta ondoren DJa, Gure ostatua, zozketak eta bertze hainbat gauza izanen dira. Eta eguna akautzeko, 21:00etatik 23:00etara denak Errekaldera! Bertako kontsumizioen irabaziak Gure Txokoari emanen zaizkio. Urteurrenaren inguruko ospakizunei akabera emateko, uztailaren 2an Altzateko elizan meza entzun ahal izanen da.