Sanjoanen bueltan ospatu ohi dituzte oieregiarrek herriko bestak, eta aurten ere jarri dute horretarako eguna: larunbat honetan, ekainaren 20an, izanen da.
20:00 aldera plazan bilduko dira eta catering enpresa batek afaria zerbitzatuko die bildutakoei. Ondotik, Joxe Angel musikariarekin dantzan eta kantari aritzeko aukera izanen dute, eta egunari akabaila emateko su artifizialak botako dituzte. Su besta gauerdian izanen da.