Kamiku gaztandegia saritu dute Nafarroako Gastronomia Akademiaren urteko sarietan

Ttipi-Ttapa 2026ko martxoaren 27a

Kamiku gaztandegiko Alberto Migeltorena eta Ainara Ansa, azoka batean. Lehendik ere zenbait sari eskuratuak dituzte.

Nafarroako Gastronomia Akademiak jakinarazi du XVIII. urteko saridunak zein izanen dire. Horien artean, Legasako Kamiku gaztandegiak tokiko produktu onenaren saria eskuratuko du, «Nafarroako gaztagintzaren berrikuntzari egin dion ekarpenagatik» eta bere produktuak «artisau moduan» egiteagatik. Horri esker, «artzaintzaren oinarriarekin eta ingurumenaren jasangarritasunarekin duten konpromisoa bizirik mantendu ahal izan dute», epaimahaiak dioenez.

Legasako gaztandegiak tokiko produktu onenaren saria eskuratu du sariketaren hemezortzigarren edizioan

Kamiku gaztandegiko Alberto Migeltorenak eta Ainara Ansak «ahalik eta gaztarik naturalena» egiteko lanari emandako saria dela adierazi dute. Lehendik ere zenbait sari irabaziak dituzte beraiek ekoizten dituzten Kamiku eta Ardiarana gaztek

Kamiku gaztandegiarekin batera, Koldo Rodero chefa (Sukaldari buru onena), La Despensa (barra onena), El Rincón de Iruña (koktel-taberna onena) eta Nafarroako Unibertsitatearen UNATI proiektua (ikerketa) izanen dira saridunak.

Sari banaketa apirilaren 23an eginen dute Iruñerriko Mankomunitateko Pinaquy aretoan.

Ekonomia Bertizarana Legasa

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun