V. Plazaz Plaza txapelketako jardunaldia jokatuko dute igandean Legasan

Ttipi-Ttapa 2025eko abuztuaren 28a

Plazaz Plaza txapelketa Donamariako Jauregian aurkeztu zuten eta Donamarian bertan jokatuko dute finala urriaren 4an. Aitzinetik, eskualdean, igande goizean Legasan jokatuko dute.

Ados pilota elkarteak, Malerrekako Mankomunitatearen laguntzarekin bosgarren aldiz antolatutako Plazaz Plaza txapelketak aitzinera segitzen du eta asteburu honetan hiru partida jokatuko dituzte. Horietatik bat bestetan murgildua dagoen Legasan jokatuko dute abuztuaren 31n, igandean 11:30ean hasita. Ruiz Infante eta Orbegozo, Aranbururen eta Mujikaren kontra ariko dira.

Tirapun eta Arazurin ere

Aitzinetik, abuztuaren 30ean, larunbatean 12:00etan hasita, Tirapun jokatuko dute bertze partida bat: Aranburu eta Mujika, Aldaregiaren eta Agirreren kontra ariko dira. Abuztuaren 31n, igandean 18:00etan Arazurin, Aldaregia eta Agirre, Oskozen eta Arrastiaren kontra ariko dira.

Udara Caixabank txapelketako partida larunbatean Deikaztelun

V. Plazaz Plaza txapelketaz gain, Adoseko pilotariak Udara Kutxabank txapelketa ere jokatzen ari dira. Abuztuaren 30ean, larunbatean 18:00etan jokatuko dute Deikaztelun Barrolakek eta Arrastiak, Ruiz Infanteren eta Orbegozoren kontra.

Kirola Bertizarana Legasa

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun