Zazpi urtetik goitiko haurrei zuzendua, 11:30etik 13:00etara eginen dute lorategian.
Bertizko Lorategi zoragarriaren inguruan sortzeko, imajinatzeko eta jolasteko eguna izanen da, txartel bat diseinatu eta irekitzerakoan hiru dimentsioko istorio bat kontatuko duena. Haur bakoitzak bere sormena askatu eta bere pop-up txartela egin ahal izanen du, ipuinetako ingurune batean: Bertizko Lorategi Historiko-Artistikoa.
Irekitzean eszena txiki magiko bilakatuko den txartel bat sortzen ikasiko dute pausoz pauso. Ernetzen diren loreak, agurtzen duten pertsonaiak, agertzen diren animaliak… Tolesteko eta ebakitzeko teknika errazak erabiliko dituzte eta irudimena aske utziko dute txartel bakoitza marrazkiekin, koloreekin eta mezuekin pertsonalizatzeko. Haur bakoitzak bere pop-up txartela eramanen du, artez, naturaz eta fantasiaz betetako egun baten oroigarri gisa.