Igande arratsaldean izan zen zita herriko plazan. Tarteka euri tantak bota zituen arren, finala plazan jokatzea lortu zen. Frontoia busti zen momentuan herriko gaztetxoek, sopladorak bizkarrean hartu, eta plaza idortzeko ahalegina egin zuten eta txapelketa bukatzea lortu zuten. Hiru mailatan jokatu dituzte finalak.
Emaitzak
Ttikiak
Zortzi bikotek hartu dute parte. Finaleko emaitza:
- Unai Zubigarai - Amets Telletxea, 22
- Xamai Ziganda - Saioa Zubigarai, 13
Gaztetxoak
Hamaika bikotek hartu dute parte. Finaleko emaitza:
- Aimar Opoka - Eneko Rekalde, 22
- Irati Mitxelena - Julen Mitxelena, 16
Seniorrak
Zortzi bikotek parte hartu dute. Finaleko emaitza:
- Ugaitz Salaverri - Mostafa El Haou, 30
- Aitor Irazoki - Egoitz Bueno, 26
Arratsaldea borobiltzeko taloak izan zituzten. Goraipatu behar da bosgarren urtea dela frontenis txapelketa aitzinera eramaten dutela Narbarten eta eskerrik beroenak eman nahi dizkiete antolatzaileei, beraien dedikazio eta borondateagatik.