Mugimendu modernistaren beirate koloretsuetan inspiratuko dira, forma organikoz, kurba leunez, lorez, naturaz eta argiz beteak. Paper zeharrargia, kartoi meheak, errotulagailuak eta materiak arras bereziak erabilita, haur bakoitzak bere beiratea diseinatu ahal izanen du, XX. mendearen hasierako jauregi eta lorategi zaharretan argia aldatzen zuten beiraren efektuak eta kolorea simulatuz.
Leihoan zintzilikatzeko pieza artistikoa sortuko dute, eta eguzkiarekin kontaktuan jartzean, argi eta kolore leherketa bilakatuko da. Munduari bertze begi batzuekin begiratzeko esperientzia izanen da, artista modernista batek eginen lukeen bezala.
Haur bakoitzak bere “paperezko beiratea” eramanen du, artez, historiaz eta naturaz betetako egun baten oroigarri gisa.