Ekitaldiak Nafarroako Gobernuko Ingurumen departamenduak antolatu ditu, eta debalde izanen dira. Hala ere, izen ematea aitzinetik egin behar da 948 59 24 21 zenbakira deituta edo cinberti@navarra.es helbidera idatzita.
Bihar, ortziralea, 10:30etik 14:00etara eta 15:00etatik 17:30era Bertizko lorategi historiko-artistikoa bisitatzeko aukera izanen da debalde.
Larunbatean, martxoaren 22an, ordutegi berean irekiko dituzte lorategiak. Gainera, bertze hainbat jarduera ere izanen dira.
10:00etatik 13:00etara Juan Goñik bisita gidatua eginen du Bertizko oihana ezagutzeko. 11:30ean, Zurrunka teatroren eskutik antzerki ibiltaria eginen dute hazien garrantziaz ohartarazteko. 12:30etik 13:30era, aldiz, Sustraieko Eder Beginok oihan sistemei, laborantza sistemei, mendi jangarrien plangintzari eta diseinuari buruzko hitzaldia emanen du.
Arratsaldean, 16:00etatik 17:30era Natura Bizia dokumentala emanen dute, bertako zuzendaria bertan dela.