Itsasoa bete urre liburua argitaratu dute Dani Martirena idazleak eta Ana Ibañez margolariak, Txalaparta argitaletxearen eskutik. Itsasoan zehar egindako bidaia batean oinarrituta, irudi ederrak eta abstraktoak erabiliz, itsasoa zaintzen duen farozain batek bere largabistetatik begiratzeko gonbita egiten dio irakurleari. Orain txipiroi ipurtargiak, orain marrazo gosetiak, sardina kilikariak, marmoka itsaskorrak eta… Bizargorriren galeoi hondoratua! Baina, ez hori bakarrik, oro ez baita urre; emigrazioaren errealitate gordinera hurbiltzeko aukera ematen du liburuak.
'Itsasoa bete urre' liburua aurkeztu du Dani Martiarenak Legasan
Abenduaren 3an, Euskararen Egunean, Dani Martiarenak bere azken liburua aurkeztu zuen Legasako eskolako ganbaran. 40 bat lagun elkartu ziren eta oso ongi pasatu zuten. Eguna borobiltzeko, Kuku elkartean txokolate beroa edateko aukera izan zuten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun