Mendi Abesbatza gonbidatu du Legasako Basagaitz elkarteak azaroaren 9an, larunbatean. Doneztebeko koruak 18:00etan kontzertua emanen du eta ondotik, besta giroan segituko dute. Zubietako taloak jateko eta Inurrieta ardoak dastatzeko aukera izanen dute bildutakoek.
Gisa bateko eta bertzeko hitzorduak antolatuz, herritarrendako eskaintza polita eginez lanean segitzen du Basagaitz kultur elkarteak. Batzuk aipatzen hasita, otsailean inauteriak antolatu zituen Basagaitzek; maiatzean, Jaione Olazabalen eta familiaren kontzertua eta horren bueltan sotopil jatea eta sagardo jatea; uztailean kantu zaharren eguna egin zuen ermitan; abuztu hasieran Just Dance saioa eta hilabete hondarrean herriko bestak, urrian Ztandap bakarrizketa... Eta azaroan, Mendi abesbatzaren emanaldia.