Era horretan, Bertizko Lorategi Historiko-Artistikoan, Maria Jimenez Moreno artistaren Basati erakusketa ikusgai da uztailaren 1etik abuztuaren 31ra, Erakusketa honekin loturik, Sorginorratz tailerra eskainiko du Maria Jimenez berak abuztuaren 17an (12:00) eta Bertizeko Natur Parkeko sendabelarrak ezagutzeko txangoa eginen dute abuztuaren 24an, 10:00etan abiatuta, Laura Gurbindorekin.
Nafarroako sorginen ehizaren testuinguru historikoa, kulturala eta soziala hurbiltzen du erakusketak. «Sentsoriala dena indartu nahi dut errealitatearen pertzepzioaren zati moduan, eta erreala eta onirikoa lotzea ere bai, lurralde liriko pertsonala landuz», nabarmendu du Maria Jimenez Moreno artistak.
Sorginorratz tailerrari dagokionez, arroparentzako orratza sortuko dute, sorgin-orratz forma duen paparrekoa. 6 urtetik goitikoei zuzendutako bi orduko jarduera izanen da eta gaztelaniaz emanen dute.