09:30ean hasiko da jardunaldia parte hartzaileen erregistroarekin. Ondotik 10:00etan ongi etorria eginen diete parte hartzaileei eta eguneko programa aurkeztuko dute.
Ondotik, 10:15ean hasita hiru solasaldi eginen dituzte:
- Klima aldaketa Nafarroan. LIFE-IP NAdapta-CC proiektua aurkeztuko du Miguel Angel Gonzalez proiektuaren koordinazio teknikariak eta komunikazio arduradunak.
- Nola eragiten dio klima aldaketak osasunari? Nafarroako egoera solasaldia emanen du Estrella Miquieliz Autor adituak.
- Bukatzeko, eltxo tigrea: zer egin dezakegu aurre egiteko solasaldia izanen dute eta hiru alor aztertuko dituzte: zaintza plana, bektorea identifikatzea eta emaitzak eta egungo egoera. Solasaldi horretan Teresa Ferrer, Miguel Domenech eta Elena San Miguel adituak ariko dira solasean.
Solasaldiak bukatzean 12:00etan galderak egiteko aukera irekiko dute eta 12:30ean bukatuko da jardunaldia.
Herritar denei irekitako jarduera da eta hemen eman daiteke izena.