Frontón Lopez klubeko David Albiasu narbartearra suertatu da txapeldun Nafarroako bortz eta erdiaren barreneko lehen mailako paleta goma txapelketan. Hain zuzen, Iruñeko Lopez pilotalekuan larunbatean jokatutako finalean 1-7 galtzen hasi zen San Juan taldeko Xabier Legarraren kontra, baina markagailua irauli eta 25-22 irabazi zuen txapela janzteko.
Bigarren mailan Perez Galbetek (Unav) 25-18 irabazi zion Mendigutxia taldekideari; hirugarren mailan, Larrainako bi finalisten artean, Sarasibarrek 25-23 irabazi zion Ziordiari eta laugarren mailan ere, Larrainako Zabalzak 25-20 irabazi zion Garmendia taldekideari.