Ehunka lagunek bisitatu zuten larunbatean Bertizko Natur Parkea, Ate Irekien Egunaren harira. Eskulangileen azoka ikusteaz eta taloak dastatzeaz gain, haurrek talo tailerrean ere parte hartu ahal izan zuten eta lorategira bisita gidatua ere egin zen. Arratsaldean Nafarroako saguzarrak erakusketa ireki zuten jauregiko erakusketa aretoan eta gaueko irteera ere egin zuten, ugaztun hegalari hauek gehiago ezagutzeko.