Nafarroko Kultur 2023 programak hainbat ekitaldi antolatu ditu uda osoan, tartean Bertizen dagoen La Reina del Arga erakusketa. Erakusketaz gain tailerrak eta ikuskizunak antolatzen ari dira parkean, eta hurrengoa abuztuaren 20an 18:00etan jauregiko patioan izanen da.
50 minutuko eta publiko guztiarentzako ikuskizuna da, bortz urteetatik goiti. Hainbat arte eta teknika nahasten ditu emanaldiak: narrazioa, interpretazioa, ilusionismoa, objektuen antzerkia, arte plastikoak, zirkua, musika… zirkuaren historia eta batez ere Remigia Etxarren ditu ardatz, Argako Erregina bezala ezagutua izan zen funanbulista. Emanaldia gaztelaniaz izanen da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.