Legasako Ardiarana gaztandegiko gaztak Gaztela-Leongo Nekazaritza Institutu Teknologikoak antolatutako Cincho Cheese Awards 2022 nazioarteko gazta lehiaketan Cincho de oro saria eskuratu zuen joan den asteburuan Zamoran. Ardi esne gordinarekin egindako gazten kategorian lortu dute saria. Hogei herrialdetatik eramandako 1.380 gaztek parte hartu dute lehiaketan, bortz kategoriatan banatuak.
Epaimahaiari dagokionez, dastatzaileak Espainia, Alemania, Argentina, Txipre, AEB, Grezia, Italia, Portugal, Erresuma Batua eta Suitzakoak ziren.
Ez da Ardiaranako Alberto Migeltorena Indart eta Ainara Ansa Txurruka senar-emazteek lortzen duten lehen saria, 2006. urtean enpresa sortu zutenetik. Geroztik, hainbat gazta mota ekoiztu dituzte, tartean Bertizko lizun edo urdinekin egindako azal naturala duena edo Camenbertiz izenekoa, hau da camembert gaztaren antzekoa, baina ardi esnearekin egina.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.