Lurraldearen % 64 basoa
Nafarroako lurraldearen % 64 basotzat hartzen da. 450.000 hektarea inguru zuhaiztiak dira eta bertze 190.000 zuhaixkak eta larreak. Baso-ekosistemei dagokienez, aniztasun handia dago. Iberiar penintsulako pagadien herena Nafarroan dago eta bertze espezie batzuk, hala nola, pinu gorria, haritz mediterraneoak edo formazio mistoak, azalera handikoak dira. Nafarroako basoen aberastasun ekologikoa, beraz, ukaezina da.
Oihangintzak 2.500 lanpostu zuzen sortzen ditu eta bertze hainbat zeharkako lanpostu.
Basoen Nazioarteko Eguna Bertizen apirilaren 2an
Basoen Nazioarteko Eguna dela eta, Bertizko Jaurerriko Parke Naturalean jardunaldi bat eginen du apirilaren 2an, basoak onuragarriak direla erakusteko eta herritarrak sentsibilizatzeko. Bertzeak bertze, bisita gidatua eginen dute basoan, haurrentzako ipuinak kontatuko dituzte eta Zuhaitz zaharrak, bizitzaz betetako zuhaitzak erakusketa inauguratuko da. (Informazioa eta izen-emateak: cinberti@navarra.es helbide elektronikoan edo 948 59 24 21 telefonoan)