Ate irekien eguna egin dute Bertizko Parke Naturalean

Jardueraz betetako eguna izan zuten Bertizen joan den larunbatean.

Bertizko parkea hobe ezagutzeko aukera paregabea izan zuten bisitariek irailaren 25ean. Parkearen irekiera orduetan, hau da, 10:30etik 14:00etara eta 16:00etatik 19:30era, lorategi historiko-artistikoaren sarrera dohainik izan zen.

Bertan, bisita gidatuak eginen zituzten 10:30ean, 11:30ean eta 16:30ean 3 euroren truke (adin txikikoak doan). Jauregiko Dorotea aretoan Anderea dokumentala proiektatuko zuten, euskal mitologiako pertsonaia eta jainkoen ingurukoa. Bi emanaldi egingo zituzten; euskaraz 12:30ean eta gaztelaniaz 17:00etan. Argitsu artisauen elkarteak tokiko produktuen azoka egin zuen parkeko zelaian 10:30etik 14:00etara, eta eguna borobiltzeko Amaiurko Gaztelu Taldeak kontzertua emanen zuen 18:00etan.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun