Joan den urtean, bigarren mailako txapela jantzi zuen Fronton Lopez klubean ari den narbartearrak eta aurten, lehenbiziko kategorian lortu du garaipena. Finalean hasiera-hasieratik aitzinean jarri zen eta 43 minutuko partidaren ondotik, bortz tantoko aldea atera zion Legarrari. Markagailuan 25-20 zela berarentzat izan zen txapela.
Bigarren mailan bertze eskualdeko bat aritu zen: Oronoz-Mugairiko Joseba Arizmendi, hau ere, Fronton Lopez klubean ari dena. 32 minutuko finala jokatu zuen Juan Fernandez de Arcayaren aurka eta azkenean, baztandarra nagusitu zen, 25 eta 22.
Argazkiak: Nafarroako Pilota Federazioa.