Bertizarana, Bidaurreta, Ciriza / Ziritza, Estella-Lizarra, Larraun, Muruzabal, Obanos eta Vianako udalek Nafarroako Gobernuaren 18.455,82 euroko dirulaguntza jasoko dute, ondasun eta eskubideen udal-inbentarioa egiteko edo eguneratzeko. Bertizaranako udalak 1.229,97 euro jasoko ditu eta inbentarioa egiteko kontratatu den laguntza teknikoaren erdia ordainduko da gisa honetara.
Honenbertzez 80 erakundek baino gehiagok jaso dituzte laguntza horiek 2016 urtetik honeta, eta eman den zenbatekoa 200.000 euro ingurukoa da. Bortz urte hauetan, Bertizaranakoaz gain, eskualdean deialdi honekin bat egin dute Arantza, Etxalar, Igantzi, Lesaka eta Berako udalek ere.