Gainerako herrietako inauterietan gozatu ondotik, orain etxean izanen dute horretarako aukera legasarrek, hilabeteko hondarreko bi egunetan mozorro bestan murgilduak ibiliko baitira.
Otsailak 28, ortziralea
Neska-mutikoak izanen dira inauteriei hasiera emanen dietenak. 15:00etan eskolako haurrek kalejira eginen dute herrian barna eta ondotik, indarrak hartzeko, txokolate beroa hartzeko aukera izanen dute. 17:00etan etxez etxe puska biltzen ibiliko dira eta gauean, herritarrak mahaiaren bueltan bilduko dira afaltzeko. Herriko elkartean eginen dute afaria.
Otsailak 28, larunbata
Mozorroak 12:00etan elkartuko dira eta herrian barna kalejira eginen dute. 14:00etan, frontoian bazkaltzeko elkartuko dira eta ondotik musika izanen da. Inauteriak borobiltzeko gauez afaria eta mozorro dantza eginen dute gorputzak aguantatzen duen arte.