Abenduaren 3ko ospakizunak larunbatera, hilaren 7ra, gibeleratu dituzte Legasan. Eguraldiaren arabera egitarau bat edo bertze izanen dute. Lagun badute, frontoitik 16:00etan euskal kantak eta dantzak kantatuz herrian barna ibiliko dira eta ondotik, kontu kontari aritu eta txokolate beroa dastatuko dute.
Eguna euritsua bada, frontoian pasako dute arratsaldea. 16:00etan kontu kontari aritzeko tartea izanen dute, ondotik, euskal dantzak dantzatu eta euskal kantak kantatuko dituzte; eta azkenik, txokolate beroa hartuko dute.
Lerro hauen bidez, «dantzari, kantari, euskaltzale eta legasar guztiei» plazara ateratzeko gonbidapena egin diete.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.