Azaroaren 30ean trinketean eginen dute otordua eta arratsaldez Agerralderekin musika izanen dute
Urtero bezala San Andres eguna ospatuko dute Narbarte. Santuaren eguna azaroaren 30a da eta aurten larunbatarekin suertatzen denez, bazkaria ere egun berean eginen dute. Ostatua itxia dagoenez aurten trinketean eginen dute bigarren urtez eta txartelak salgai pararu dituzte dagoeneko. Azaroaren 24ra bitarte izanen da apuntatzeko epea. Epez kanpo apuntatzen denak 5 euro gehiago ordaindu beharko du.
Zubillaga catering-ak eskainiko duen helduen menua 33 eurotan izanen da eta entsalada mistoa, patea ogi-xigorrarekin, otarrainxka egosiak, txorizoa sagardoan egosia, txuleta eta ostopil-tarta izanen dute, baita likore-kopa bat ere. 15 urte bitarteko haurrentzako 12 euroko menuan, berriz, spaghettiak tomatearekin, oilasko bularkia patatekin eta postrerako izozkia izanen dute.
Arratsaldez dantzaldia izanen dute Agerralderekin.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.