Urriaren 24tik azaroaren 3ra arte ikusgai izanen da Jaurerriko erakusketa-aretoan
Nafarroako Gobernuak, Lursarea-Nasuvinsa-ren laguntzarekin batera, KLINA-ren esparruan (Nafarroako klima-aldaketaren bide-orria) eta LIFE NADAPTA proiektuarekin, gure ingurunean klima-aldaketaren fenomenoak duen inpaktuaren ezaguera sustatu nahi du erakusketa baten bidez. MOLDAERA: klima aldaketaren aurkako beste borroka erakusketa, euskarazko eta gaztelaniazko 14 panelek osatuta Bertizko Jaurerriaren erakusketa aretoan egonen da, urriaren 24tik azaroaren 3ra arte. Erakusketaren inaugurazio urriaren 24an, ortzegunean 19:00etan eginen dute. Bisita gidatua eta aperitiboa izanen dute.
Urrian 10:30etik 13:30era eta 16:00etatik 17:30era irekiko dute erakusketa eta azaroan 10:30etik 13:30era eta 16:00etatik 17:00etara.
Klima aldaketa da, seguruenik, gizarteak eta ingurumenak XXI. mendean daukaten erronkarik handiena.
Zientzia-elkarteak, gazteek, gizataldeek eta baita erakunde publiko askok ere “larrialdi klimatikoa” deklaratu dute. Helburu nagusiena berotze globala geldieraztea bada ere, agerikoa den klima epel, muturreko eta ezezagunen aurreko giza-erantzuna nahitaezkoa da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.