‘Loreak, sagarrak eta besarkadak’ margo-erakusketa eskainiko du Diana Iniestak Bertizen

Diana Iniesta margolaria, Bertizen erakutsiko dituen margolanetako batzuen aitzinean.

Urriaren 1etik 31ra ikusgai izanen da parkea zabalik dagoen ordutegian eta Erratzun eskaintzen dituen bere ikastaroekin ere segituko du

Erratzun bizi den Diana Iniesta margolari kataluniarraren ‘Loreak, sagarrak eta besarkadak’ margo-erakusketa ikusgai izanen da urriaren 1etik 31ra Bertizko Natur Parkean.   2018ko irailetik aurtengo ekainera margotutako 30 lan paratuko ditu erakusketan.

Erratzuko tailerrean egindako erakusketaren segida izanen da Bertizkoa, baina loreen kuadro berriak izanen ditu, baita otsailean New Yorkeko The Phyllis Harriman Mason Galleri aretoan erakutsitako erretratoak, eta Baztanen eta New Yorkeko sagar handian egindako paisaia berriak.

 

Ikastaroak

‘Baztanen Opor Artistikoak’ proiektua sortu du berriki margolariak eta urriaren 19tik 22ra eskainiko du bere aurtengo azken margo-ikastaroa eta lau orduko tailerrak eskainiko ditu azaroaren 16an, abenduaren 14an eta urtarrilaren 18an. Ondotik, 2020an formakuntza-bidaia egiteko asmoa du The Art Students Leaguera.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun