Josu Inziarteren lanak irabazi du Bertizko argazki lehiaketa

Josu Inziarteren 'Euri tantak' argazkiak eskuratu du epaimahaiaren saria. Argazkia: Josu Inziarte

Oronozko argazkilariak irabazi du epaimahaiaren saria eta Daniel Andionek bisitariena

 

Ate Irekien Eguna ospatu zuten irailaren 14an Bertizko Natur Parkean. Jende andana ibili zen, eguraldi bikaina aprobetxatuz eta hainbat ekitalditan (solasaldiak, tailerrak, bisita gidatuak…) parte hartu zuten. Argazki lehiaketara aurkeztutako 103 lanak ikusteko aukera ere izan zuten erakusketan. Sari banaketa ere egin zuten. Epaimahaiaren saria Oronozko Josu Inziartek irabazi zuen, Euri tantak argazkiarekin eta bisitarien saria Paternaingo Daniel Andionek, Bertiz 2.0 argazkiarekin.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun