Eskualdean eskaintza zabala Baztan-Bidasoa Turismoaren eskutik
Udazkenean zehar hainbat ekintza proposatu ditu Nafarroako Gobernuak eta horretan parte hartuko du, Baztan-Bidasoa Turismoak.
Orbela, mendi gidariak Xorroxin ezagutzeko aukera eskainiko du urriaren 12an, azaroaren 2an eta abenduaren 6an.
Navarra al Natural enpresak, berriz, Bertizeko basoan murgiltzeko parada eskainiko du eta bisita akitzerakoan, IXIART artisautza dendan bertako produktuen dastaketa izanen da. Ekintza haun igande honetan, irailaren 15ean eginen dute lehen aldiz eta urriaren 30ean eta azaroaren 9n errepikatuko dute.
Ordoki Zalditegiaren eskutik, trostan, Arizkungo paisaiak ikusteko modua izanen da irailaren 22an eta urriaren 27an.
Bizikletaz ibiltzea gustoko baduzu, Ameztia BTTk Bidasoko Bide Berdean barna eramanen zaitu pedalak astintzen urriaren 23an eta azaroaren 23an.
Misterioa eta literatura nahi izanez gero, Zaindari Ikustezina izan daiteke gidaria, Baztan Trilogia filma grabatu zen eszenatokietan barna bisita egiteko, urriaren 19an, azaroaren 10ean eta azaroaren 23an.
Baztan-Bidasoa Turismoak eskaintzen dituen bisiten barnean daude Urdazubi eta Zugarramurdiko lezeak ere.