Andoni Esparza Leibarrek Bertizko Jaurerriko historia liburua aurkezteko hitzaldia eskainiko du martxoaren 10ean, igandean, 12:00etan Bertizko Jaurerrian. Esparzarekin batera, Isabel Elizalde, Nafarroako Gobernuko Landa Garapeneko, Toki Administrazioko eta Ingurumen Departamentuko kontseilaria ere izanen da ekitaldian.
Hitzaldi-aurkezpena euskaraz izanen da. Bere liburuaren berrargitalpenaren aurkezpenaren bigarren zatia izanen da. Izan ere, lehenbizikoa irailean egin zuen Esparzak gaztelaniaz, Natur Parkeko Ate Irekien egunean.