Ortzegunean, otsailaren 28an, haurrendako jokoak
Ortzegunean, eskolak aitzinetik jarritako gaia ardatz mozorrotuko dira. Herrian barna ibili eta guztiek elkarrekin bazkalduko dute. Arratsaldean, haur jokoez gozatzeko aukera izanen dute. Oilarra harrapatuz akituko dituzte inauteriak herriko ttikiek.
Ortziralean mozorro-lehiaketa
Ortziralean, martxoaren 1ean, helduek hartuko dute lekukoa. Herriko Ostatuan afalduko dute. Mozorro-lehiaketa ere eginen dute eta denak etxera joan artean Txingudi DJak girotuko ditu bazterrak.
Martxoaren 2an afaria
Larunbatean 11:00etan bilduko dira. Gosaldu eta indarrak hartu ondotik, etxez etxe ibiliko dira, egun osoan. Inauteriak borobiltzeko 21:00etan afaria eginen dute. Parranda luzatzeko aukerarik ez da faltako.
Antolatzaileek otordu horietara joan nahi dutenek aitzinetik izena eman beharko dutela jakinarazi dute. Apuntatzeko dendan edo Herriko Ostatuan jakinarazi behar da.