Iruñeko Arte Eskolako ikasleek arte-lana bihurtu dute Bertizko Libanoko zedroa

Libanoko zedroan arte-instalazioa egin dute Iruñeko Arte Eskolako ikasleek.

130 urteko zuhaitza idorturik zegoen eta «bigarren bizitza bat» eman nahi izan diote

130 urte zituen Bertizko jaurerriko natur parkean dagoen Libanoko zedroak, baina idortua zegoen. Zuhaitz hori baliatu dute Iruñeko Arte Eskolako ikasleek beraien arte-instalazioa egiteko. Horren aurkezpena egin dute azaroaren 9an. Ikasle eta irakasleekin batera, Nafarroako Gobernuko ordezkariak ere izan dira ekitaldian: Maria Solana, Hezkuntza kontseilaria eta Isabel Elizalde, Landa Garapen, Ingurumen eta Toki Administraziorako kontseilaria.

 

Isabel Elizaldek azpimarratu duenez, jarduera honen helburua natura, artea eta hezkuntza konektatzeak duen garrantziaz kontzientzia da, «zuhaitz ikusgarri bati bigarren bizitza bat emanez».

Iruñeko Arte Eskolak ‘Bizi berri bat Bertizko zedroarentzat’ proiektua gauzatu du eta 6.600 euroko aurrekontua izan dute. Zedroan jarri dituzten eskulturak animalienak dira:  Hontza (Camilo Castaño Parra); SaiZuria (Luis Ascunce Ansorena); Garrapoa (Natxo Loyola Eraso); Hartza (Marta López Antón); Amilotx Mottoduna (Bea Itoiz Mugueta); Otsoa (Estefanía Rubio Alfaro); Azeria (Tasio López de Gereñu Chocarro) eta Hegaztia (Larraitz Ruiz Zeberio)

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun